Psa 15 | NdeIBE | STEP | Ihubo likaDavida Jehova, ngubani ongahlala endlini yakho engcwele na? Ngubani ongahlala entabeni yakho engcwele na?

Psalms 15

Ihubo likaDavida

1 Jehova, ngubani ongahlala endlini yakho engcwele na? Ngubani ongahlala entabeni yakho engcwele na?

2 Ngulowo okuhamba kwakhe kungelansolo njalo owenza okulungileyo, okhuluma iqiniso liphuma enhliziyweni yakhe,

3 ongachothoziyo ngolimi lwakhe, ongoneli umakhelwana wakhe futhi ongagconi umzalwane wakhe,

4 oweyisa umuntu oxhwalileyo kodwa ohlonipha labo abesaba uJehova, ogcina isifungo sakhe loba kubuhlungu ukwenzenjalo,

5 oweboleka imali yakhe engadingi inzuzo njalo owalayo ukuthengwa ukuze kwetheswe umlandu kongelacala. Lowo owenza lezizinto akayikuzanyazanyiswa lanini.